9.3 C
Hakha
Monday, November 29, 2021

Prince Charles zong Covid-19 zawtnak a ngei ve

Prince Charles (kum 71) cu covid-19 zawtnak a ngei ve nain atu tiang ahcun a ngandam i Scotland ah amah dang tein an umter i an zohkhenh lio a si.

“Queen Elizabeth fapa upabik Charles cu coronavirus hmelchunhnak a ngei. Nain, a zual lo. A ngandam ko. Scotland ah a ummi Balmoral Castle a inn ah aa cawngh lio a si,” tiah siangpahrang chungkhar umnak Clalrence House nih a thanh.

“Prince of Wales (Charles) tuan te ah a dam khawh nak hnga zaangfah tein thlacam ka bawm ve uh. Prince Charles cu kan dawt tukmi a si. Health and Hope Organization a kan bawm lengmangmi a si. Kan miphun le kan ram caah kum saupi rian a ttuanmi a si” tiah Dr Sasa nih a Facebook cahmai ah a ttial.

Charles nupi Camilla zong coronavirus ngei/lo an test ve nain an nih cu a ngei lo.

Prince Charles cu Nikhatni ahkhan coronavirus ngeih/lo testnak aa tuah i Nihnihni ah result a chuak. Mah hlan ahhin a fale le a nu Queen Elizabeth (kum 93) he an rak i chawnbia.

“Siangpahrang nu cu a dam lio si ko,” tiah Buckingham Palace nih a ti.

“March 12 zingka ahkhan Queen le Charles cu a donghnak bik an i ton a si. Queen cu a ngandamnak ding caah ruahnak an cheuh ning tein a um lio a si,” tiah Buckingham Palace nih a ti.

Prince Charles cu March 13 inkhan coronavirus zawtnak a ngei cang men lai tiah an zumh.

March 19 ahkhan Queen Elizabeth cu London in Windsor Castle ah a vapa Philip (kum 98) he an kal.

Malaysia
2,619,577
Mizaw Hmuhmi
Updated on November 29, 2021 2:07 am
Malaysia
2,522,045
A Dammi
Updated on November 29, 2021 2:07 am
Malaysia
30,280
A Thimi
Updated on November 29, 2021 2:07 am
Malaysia
67,252
Zaw Liomi
Updated on November 29, 2021 2:07 am

Ṭial Tharmi