14.1 C
Hakha
Tuesday, September 21, 2021

President Trump nih Ralkap Tilawng caah $20 Billion hman tim, Navy duhmi asi lo

US President Donald Trump nih raltuknak tilawng USS Harry S. Truman remhnak caah $20 billion hmang uh, tiin Navy bawi pawl a ti hna caah an lau ko.

Kum 21 chung hman cangmi nuclear-engine USS Harry S. Truman tilawng cu dinhter cang ding a si, tiah Navy ralkap nih an timi si nain President Trump nih Nihnihni ah ‘hmang peng ko uh’ a ti hna caah an khuaruahhar.

A ra laimi kum 20 chung an hman rih ahcun $20 billion leng a dih si. Dinhter i mah caah a dih ding tangka tu kha Navy computer/internek himnak (cybersecurity) caah hman a herh, tiah Navy nih President sinah report an pek cang nain zei a relpiak rua hna lo.

March thla ahkhan Navy Bawi nih “atu kum zabu 21nk ral tukning cu hlan lio bantuk a si ti lo, hriamnam ngan pipi nakin computer/internet hack thiam hi kan hriamnam ttha bik a si,” tiah President sinah report a pek.

“Kan ral pawl nih hriamnam ngan pipi in kah a kan tim tuk ti lo, kan computer/internet hack piak tu a kan timh cang. Cucaah mah lei hi biatak tein Navy ralkap nih kan i ven khawh le kan lehrulh khawh hna a herh.

“Tu chan cu computer/internet in ral doh chan a si cang.

“Hriamnam lei nakin technology lei hi ralkap nih usa kan pek deuh a herh cang,” a ti.

Mah ruangah raltuknak vanlawng tampi a phor khomi le missile bomb tampi a kap khomi nuclear sehtha in monghmi tilawng USS Harry S. Truman cu dinhter in mah caah a dih ding tangka hi Navy nih technology caah hman ah a ttha, tiah Navy bawi pawl nih an timi si.

Navy nih USS Harry S. Truman nakin let tampi a ttha deuhmi raltuknak tilawng dang tampi a ngeih hna.

US ram ahcun President hi ralkap lutlai (Commander in chief) a si. — Time, The Maritime Executive


Malaysia
2,112,175
Mizaw Hmuhmi
Updated on September 21, 2021 8:39 am
Malaysia
1,880,733
A Dammi
Updated on September 21, 2021 8:39 am
Malaysia
23,744
A Thimi
Updated on September 21, 2021 8:39 am
Malaysia
207,698
Zaw Liomi
Updated on September 21, 2021 8:39 am

Ṭial Tharmi