14.1 C
Hakha
Tuesday, September 21, 2021

President Trump cu Coronavirus a Ngei Lo – White House doctor

Washington – U.S. President Donald Trump cu kan test i coronavirus zawtnak a ngei lo, tiah President sibawi Dr. Sean Conley nih a chim.

Coronavirus nih vawlei cungah minung 5,800 a thah cang hna caah president nih ka test ve uh a kan ti i Zarhteni zaanlei ah kan test tikah zawtnak a ngei lo, tiah Dr. Sean Conley nih a chimmi cu President inn White House nih cathanh a tar.

Liamcia ni tlawmpal ahkhan Pu Trump cu coronavirus zawtnak a ngeimi Brazil cozah riantuan pakhat pawngah a dir ruangah a lungttha lo i aa test hi si.

Kan hnu zarh ahkhan Trump cu Florida um a private club ah Brazil President aiawh biachimtu Fabio Wajngarten he an um ṭi lio hman an thlak hna.

“President cu a private club Mar-a-Lago ah Brazil cozah palai he zaanriah an ei ṭi nak zarh 1 leng asi cang nain atutiang ah coronavirus zawtnak letkhana zong a ngei lo. CDC (Centers for Disease Control and Prevention = Zawtnak Khamnak le I Vennak) he zong ni fatin kan i pehtlai i asi khawh chungin leng chuah i sum ding le zawtnak karh zorternak kong kan i ruah,” tiah Dr. Conley nih a chim.

US cozah nih asi khawh chungin zawtnak karh zorter aa zuam i atu hi sianginn le piahṭaih an khar dih cang hna. Company tampi zong nih an rianṭuan pawl cu inn in an ṭuanter hna.

Mah virus nih hin US rammi 50 leng a thah cang hna. Vawlei cungah minung 154,000 leng a zawtter cang hna i minung 5,800 leng a thah cang hna. December 2019 ahkhan China ram in aa thawkmi asi.

Malaysia
2,112,175
Mizaw Hmuhmi
Updated on September 21, 2021 8:39 am
Malaysia
1,880,733
A Dammi
Updated on September 21, 2021 8:39 am
Malaysia
23,744
A Thimi
Updated on September 21, 2021 8:39 am
Malaysia
207,698
Zaw Liomi
Updated on September 21, 2021 8:39 am

Ṭial Tharmi