18 C
Hakha
Tuesday, September 21, 2021

President Trump: 2020 Thimnak ah Joe Biden cu fawi tukin ka tei lai

US Vice President hlun Jobe Biden, kum 76 cu Democratic party in 2020 Thimnak ah president kai cuh ve lai, tiah thawng a thanh thaizing ah President Trump nih “Joe Biden cu fawi tukin ka tei lai” tiah a chim.

President Trump, kum 72 cu cu kum 70 le ni 220 a rak si lio ah President ttuan aa thok i US President thimmi vialte lakah a upa bik asi.

2020 ah Joe Biden nih a tei ahcun US tuanbia ah Trump cu President thimmi lakah upa bik dirhmun a tlai kho ti lai lo.

Democratic party in president cuh ai timmi hi minung 19 leng an si cang. Atutiang online vote ahcun Joe Biden hi a uartu an tambik. Anmah minung 19 hi Democratic party member pawl nih an vote hmasa hna lai mi tam bik nih uarmi kha 2020 Thimnak ah President Trump he President an i cuh te lai i kumtling US citizen vialte nih vote an si te lai.

President Trump nih “kei cu ka no tuk rih si, mino le thazaang tthawng tukmi ka si hih. Joe cu ka zoh ahkhin hehee ano maw ti ka hngal bak lo, mi a tar tuk cang ti chim cu ka duh lo. Ka zoh hna ahkhin a no tukmi le thazaang tthawng tukmi kaa lawhter,” tiah thawngla pawl sinah a chim.

Democratic lei in President cuh ai timmi pawl hi an tar ngai hna.

Lar lei in Joe Biden changtu a simi Barnie Sanders zong kum 77 a si cang. Elizabeth Warren zong kum 69 a si cang.

US President a ttuanmi vialte lakah (an thim lio ah si loin a ttuanmi vialte lakah) a upa bikmi cu Ronald Reagan a si i President rian aa ngol ah kum 77 le ni 349 a rak si.

2020 Thimnak ah Joe Biden nih Trump a tei ahcun President ttuan dingin biakamhnak tuah tik 2021 January thla ahcun kum 78 le ni 61 a si lai. President thimmi vialte lakah a upa bik a si lai pinah a ttuanmi vialte lak zongah a upa bik si lai.

Democratic party in president cuh ai timmi lakah Asia (Taiwan kokek) pa Andrew Yang zong aa tel nain democratic party member pawl nih an uar leemlo i anih cu ruahchannak a tlawm ngai. — Fox News le Business Insider

2020 Thimnak ah Joe Biden nih Trump a tei lai ti na zum maw…

Malaysia
2,112,175
Mizaw Hmuhmi
Updated on September 21, 2021 10:41 am
Malaysia
1,880,733
A Dammi
Updated on September 21, 2021 10:41 am
Malaysia
23,744
A Thimi
Updated on September 21, 2021 10:41 am
Malaysia
207,698
Zaw Liomi
Updated on September 21, 2021 10:41 am

Ṭial Tharmi