Pope Francis Thailand le Japan a tlawng lai

Pope Francis

Pope Francis cu November thla chungah Thailand ram le 1945 ah atom bomb a rak puahnak Japan ram, Hiroshima le Nagasaki khuapi ah a tlawng lai tiah Ningani ahkhan Vatican nih thawng a thanh.

Pope nih Buddhist ram a simi Thailand le Japan ram an tlawn ti lonak hi kum 40 dengmang a si cang.

A thi cangmi Pope John Paul II nih 1981 ah Shinto le Buddhist biaknak an tamnak Japan ram ah a rak tlawn hna. Thla 3 hnu ah Thailand ram ah a lan i, a thi cangmi siangpahrang Rama IX le siangpahrang nu zong a rak ton hna.

Atu lio Pope a simi Francis cu November 20-23 tiang Thailand ram a tlawng lai. Cun, November 26 ah Japan ram a tlawng lai.

“Pope Francis cu Bangkok a phak tikah biaknak puai ah a kal lai. RC pawl a veh hna lai. Zapi he pumhnak voi 2 a tuah lai,” tiah Catholic Bishops Conference ah an thanh.

Atu hi Thailand ram ah Khrihfa 388,000 an um. Thailand ram milu i 1% hrawng an si.

Pope Francis cu Asia ram ah voi 2 a tlawng cang. 2014 ahkhan Philippines le Sri Lanka a tlawng. Mah hnu ah, 2017 ahkhan Myanmar le Bangladesh ram a rak tlawng.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.