15.1 C
Hakha
Wednesday, September 30, 2020

Pi Sui Thai nih HOPE Blood Donor Organization caah motor 1 a hlut

- Advertisement -

Cung Hu Blood: A caan tete ah ‘nan rian tuannak ah’ tiah Kyat ting 1, 2, 3 tiin pa khatkhat sin in tangka a kan kuat tawn. Hawikom cu chim lo Facebook hmanh in friend kan si lo ruang ah ‘Kan i lawm tuk’ tiah aho ka chimh lai ti hmanh ka hngal lo.

2020 kum thok ahkhan nu pa khat nih zingka te ah phone a ka chawnh. Pa Hu nan rian tuannak caah tangka hlut ka duh i zei program dah na ngeih a ka ti.

Oxygen bawmhnak dirh ka duh ka ti. ‘Zeizat dah a herh lai’ a ka ti i kei nih ‘dur ngan pa khat ah Kyat-150,000/- ‘ ka ti. Mah hi kan bawmh ve tiah ka ti colh. Nain a lungtling lo i a bia a peh.

‘Mizaw phorhnak cu mipi an i zaa cang maw? An i zaat lo ahcun motor ning pi in pa khat hlut kan duh hna’ a ka ti.

Kaa lawmh tuk ah hin ‘e law kaa lawm tuk hringhran’ ti hmanh in ka let ngam lo. Mizaw kong le a dang pipi kong tu khi bia ka ruah.

A bia a peh nolh tthan i ‘nan rian tuanning hi ka lungtlin tuk caah duhsah tein tangka ka rak in khon piak lengmang hna’ a ti tthan. Cu ah cun kaa zumh tuk cang.

Caan tlawmpal te ah ka chunmang cu a mah sin in a hung tling colh ve.

A ho si hnga tiah ka vun hlat deuh tik ah Hakha, Pyidawtha sangmi Pi Sui Thai (Ceu Lian Nu) a rak si. A tu bal cu USA, Indianapolis ah khua a sa an ka ti.

Pathian Bawipa nih nunsau ngandam le thluachuah cu a chungkhar rual he pe chin chap ko hna seh. (Luke 6:38).

Hitin zaapi sin ah ka hun tarlangh lai mi hi a mah nih a duh lem lo nain, Pathian nih thangthat a co tal ah ka ti. Zeicahtiah “cuticun thil tha nan tuahmi kha an hmuh lai i vancung khua i a ummi nan Pa kha an thangthat lai” (Matt 5:16b).

Bawipa nih kan zaapi caah kan ven piak ko seh. Amen….

Khrih ah nan rian tuan hawi,

Cung Hu

Note: Hi motor cu zaapi caah a si. A rawkmi a remhtu le a fimtu lawng ka si.
Mirum nih Petrol, remhnak, driver eidin umtthutnak caah motor man zeimawzat an pek lai. Nain, sifak harsa poah nih a man loin an hman lai.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...