Philippines ram ah 6.1 magnitude tha a tthawngmi li a hnin i atu tiang ah a tlawmbik minung 16 an thi cang. Aa hliammi zong tampi an um.

Nikhatni ahkhan Bodge khua pawng Luzon tikulh ah 6.1 magnitude tha a tthawngmi lin a hnin i Manila khuapi le Luzon tikulh pawngkam um khua zong a hninh chih.

Nihnihni zong ah Samar tikulh ah 6.3 magnitude tha a tthawngmi lin a hnin tthan.

Inncimh le thil rawh ruangah a tlaumi minung 24 hrawng an si i atu hi mibawmtu nih an kawl cuahmah hna lio a si.

Nikhatni i lin a hninh lio ah hin Manila khuapi nitlak-chaklei um super market pakhat a cim i a chung ah minung 30 hrawng an i tap ti a si.

Vanlawng tual pakhat zong ceilak in lihnin nih a hrawh caah ramchung vanlawng 6 zong let an si.

Lihnin ruangah Manila khuapi um inn sang pi pakhat in tilionak ti a tlet cuahmah lio video zong ah hmuh khawh a si. Office rianttuan zong an zaam dih. _CNA

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.