12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Paletwa Ralzaam 2,000 leng cu banluang zim an ei

    Ṭial Tharmi

    - Advertisement -

    Chin state, Paletwa peng khuate pawl in Samee khua ah a zaammi kan unau 2,400 cu rawl ei awk an ngeih lo caah banluang zim le rawl dangdang cawh in an ei.

    Samee khua a phanmi zatlang bu rianṭuan pakhat nih, “zunput zong um lo. Dinti zong an i za lo, rawl ei awk zong an ngei lo i banluang zim le a dangdang an cawh i an ei caah ngakchia le tar pawl cu vitamin an bau ngai lai,” tiah a chim.

    “Samee khua ah a hung zaammi hi 2,400 fai an si. Samee khua um an chungkhat le hawikom inn ah aa dormi tlawmpal an um. Chungkhat le hawikom sin dornak ngei lo 2,000 leng an si,” ati.

    Paletwa peng State Hlutdaw MP U Pyi Min nih, “Samee cu khuapi a sinak sau rih lo caah ralzaam pawl umnak ding inn a sinpi lo. Rawl ei awk le chuannak kong zongah harnak an tong,” tiah a chim.

    “Atu cu ralzaam 2,000 leng an si caah Samee khua caah piahtana ngan tuk asi. Minung an tam caah chungtlik an ton ahcun sii kong zongah piahtana kan tong lai. An herh bikmi cu rawl le sii asi ko,” tiah a chimchap.

    Ralzaam 2,000 leng caah facang tun 1,000 cu hartong bawmtu bu nih an kuat hna lai tiah thawngpang kan theih nain zei tik ni ah dah an kuat hna lai ti hngalh asi lo.

    Atu cu khuami le MP pawl i bawm in an zohkhenh hna lio asi. Ralzaam an tamtuk caah tlamtling in an zohkhenh kho hna lo, tiah zatlang bu rianṭuan pawl nih an chim.

    Charhchan: Chin World

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.