29.1 C
Hakha
Tuesday, March 31, 2020
More

    Paletwa khuami bawmhnak caah helicopter tiang hman an timh cang

    Ṭial Tharmi

    - Advertisement -

    Rakhine ralkap AA le Kawl ralkap kar i kahdohnak a fah chin ruangah Paletwa ah chawlehnak lam le pehtlaihnak a pit i khuami dinei awk an ngei lo. Cucaah, a herh ahcun helicopter zong kan hman ko lai tiah Chin state cozah lei biachimtu Vuanci U Soe Htet nih a chim.

    U Soe Htet nih “Paletwa khuami hna caah khua kan khan cuahmah lio a si. Emergengy bawmhnak zong timhtuah a si. Khuami hna caah bawmhnak cu motor le tilawng in a tlamtlin lo ahcun helicopter in kuat dingin timhtuahnak kan ngei” tiah a chim.

    Ral ruangah Paletwa peng khuami harnak an tonmi a zual chinmi kong cu Chin state cozah nih cunglei cozah sinah thawng a thanh cang.

    U Soe Htet nih “February 5 hnu ah kan theihmi thawngpang pawl cu rampi cozah ah thawng kan thanh. Atu a donghnak bik a cangmi kong zong hi kan thanh cang i, Paletwa ah a cangmi pawl hi cunglei cozah rianttuan tampi nih an theih cang ko.”

    “Cun, Paletwa ah kir aa timmi khuami, cozah rianttuan pawl cu ral ruangah Rakhine state, Kyauktaw le Sittwe ah an i tap i mah kong zong cu cunglei ah thawng kan thanh cang” tiah a chim fawn.

    Paletwa peng thil sining kong ah Chin state nih rampi cozah ah thawng a thanh bantuk in rian ngeitu he pehtlaihnak le khuakhannak an ngei.

    Paletwa peng ral ruangah a biapi bikmi chawlehnak lam pawl a pit i dinei awk a dih cang pinah nawl ngeitu nih internet zong an phih chung. – Chin World

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.