12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Nilen Parmawi cu ARTY professional Brand i Ambassador ah an thim

    Ṭial Tharmi

    - Advertisement -

    Awttha le makeup thiam Nilen Parmawi cu ARTY Professional i brand ambassador ah an thim. Arty Professional Brand cu Thailand ram hrambunh in dirhmi ttamhnak thilri chuahtu company pakhat a si.

    “Hmasabik ah nihin tiang lam a ka hruaitu Pathian ka thangthat. ARTY Professional i Brand ambassador pek puai ah a rak chuak khomi nan dihlak cungah kaa lawm tuk,” tiah Nilen Parmawi nih a Facebook cahmai ah a ttial.

    “ARTY ttamhnak thilri ka hmannak hi a sau cang. Kum 3 hrawng si cang. Makeup cawn kaa thok ka in ka rak hman cang. Keimah hrim nih ka uar tuk i midang ka ttamhnak tik zongah ka hmanmi a si.

    “Myanmar Idol hlasak zuam a dih sin te khan ARTY ttamhnak thilri review tuah ka duh. Nain, sachoh kan ngeih caah hibantuk ttamhnak thilri le brand kong chimh kan ngah lo.

    ARTY professional ambassador

    “A luancia thla 9 hrawng ahkhan Norway ram ka tlawn lio ah ARTY i concealer kong review ka tuah. Live thlah in review ka tuah i mi tampi nih an duh cio.

    “Live thlah in review ka tuah lio ahhin a resulh thattuk caah customer le ka fan pawl nih ARTY ttamhnak cu tampi an cawk. ARTY nih an ttamhnak tampi an manh.

    “ARTY brand manager nih a ka chimhnak ahcun kan rianttuantu pakhat nih ARTY concealer kong Live na thlahmi kha a ka hmuhsak i ka rak i lawm tuk a ti. Mah in khan ARTY brand manager nih a rak ka pehtlaih i atu bantuk in ambassador rian an ka pek hi a si,” tiah Nilen nih a chim.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.