Nicholas Pasangma vote pek khawh si deng cang

Nicholas Pasangma vote pek khawh si deng cang

The Voice Myanmar ah hlasak aa zuam liomi Chinpa Nicholas Pasangma@Dawt Kam Sang cu naite tuahmi knockout round tiang a phan cang.

A ra laimi May 26 (Zarhpi zaan) ah Live show an i zuam cang lai. Mah ahkhin mipi nih SMS in vote pek khawh si lai. Nain, MPT simcard aa tlaihmi lawng nih vote pek khawh a si lai.

Atu thokin hlasak aa zuammi pumpak hlawhtlinnak cu coach bantuk in mipi kut cungah a um ve cang. Atu thok in cun coach 4 nih an team chung minung kha duh thimnak nawl an ngei ti lai lo.

Live zuamnak cu MRTV le The Voice Myanmar Facebook Page in zaan sml 9 (Myanmar caan) ah zoh khawh a si lai.

Atu ahhin coach 4; Kyar Pauk, Ni Ni Khin Zaw, Yan Yan Chan le R Zarni nih minung 4 cio an ngeih hna, an dihlak cun minung 16 an si.

Live Show a zarh khatnak ah Coach 2 (team 2) chung in minung 8 an i zuam lai. Team in an i zuam lai i team 1 veve ah mipi SMS vote tambik a hmuh tu kha direct in a kai colh lai. A dang pakhat cu mipi SMS vote le coach i bawm in thim a si lai.

A donghnak ahcun team 1 ah minung 2 veve tiin minung 4 an kai lai. A dang 4 an tla lai.

June 2 ahkhin Live Show a zarh hnihnak an tuah lai i aa zuam rih lomi Coach 2 (team 2) chung in minung 8 an i zuam ve lai. A donghnak ah team 1 ah minung 2 veve tiin minung 4 an kai ve te lai.

The Voice Myanmar Season 2 Winner Laksawng

June 9 ahkhin Semi Final si lai i a tangmi minung 8 cu pakhat cio in an i zuam lai. Mah ahhin cun Team 1 cio ah mipi vote tlawmbik a hmutu minung 1 kha a tla lai. Minung 4 lawng an tang cang lai. (Team 1-minung 1)

Hi a tangmi 4 cu June 16 ahkhin Grand Final ah an i zuam lai. Mah tikah The Voice Myanmar Season 2 Winner cu a fiang te lai.

The Voice Myanmar Season 2 winner laksawng cu kyat ting 200, Ford motor 1 le Universal music in album 1 chuahpiak a si lai. The Voice Myanmar