Nicholas Pasangma cu The Voice Myanmar in a tla ruangmang

Nicholas Pasangma cu The Voice Myanmar in a tla ruangmang

The Voice Myanmar Season 2 Semi Final Live Show cu June 9 zaan ah an tuah i team 4 in a thiambik timi minung 8 an i zuam hna. Minung 4 an kai, minung 4 an tla. Mah ahcun Nicholas Pasangma zong a tlami ah aa tel ve.

Hlasa minthang Connie zong nih hla a sakpiak hna.

A tangmi minung 4 cu Team KP in Novem Htoo, Team NiNi in Hazel, Team RZN in Paul Austin le Team YC in Melody Khong hna an si.

A tangmi 4 cu June 16 ahkhin Grand Final ah an i zuam lai. Mah tikah The Voice Myanmar Season 2 Winner cu a fiang te lai.

Nicholas Pasangma vote pek khawh si deng cang

The Voice Myanmar Season 2 winner laksawng cu kyat ting 200, Ford motor 1 le Universal music in album 1 chuahpiak a si lai.

June 9 zaan ah Nicholas cu hlan liopi ah a rak lar tukmi Yardana Oo hla ‘Shwe Pin Lay’ hla a sa. A thiam kho tak. Li zong a leng.

Nain, Hazel nih SMS le Online vote tam deuh a hmuh ruangah Nicholas a tlaknak hi a si. A tang ah a hlasaknak video zoh khawh a si.