Korea pop hlasa minthang bu BTS an hla fung 3 bak NASA nih thlapa cung tlawn pah ngaih awk ah a hman lai.

US cozah space agency NASA nih thlapa cung tlawn pah hla ngaih awk a khomh cuahmah lio a si.

NASA cu kum 2024 ah thlapa cungah minung kai ter tthan dingin atu hi timhlamhnak a ngeih lio a si. Thlapa cung tlunkal pah ngaih awk ah NASA nih hla tampi a khomh lio a si i, a khomhmi hla pawl cu ‘Moon Tunes’ tiah min a pek.

Thlapa cung phaknak dingah ni 3 hrawng a rau i, vawlei rung kir tthannak zongah ni 3 hrawng a rau. Cucaah, tlunkal pah ngaih awk ah hla tampi a khomh hi si.

June 3, 2019 ahkhan hla kuatnak an hon i a thaizing ah NASA’s Johnson Space Center nih Twitter ah BTS le RM solo hla (fung 3) cu a duhtu mipi an tam tuk caah kan telh ve lai tiin thawng a thanh colh.

‘Moon Tunes’ ah telh dingmi BTS hla cu Mikrokosmos, 134340 le RM solo hla Moonchild hna an si. Hla fung 3 sullam hi lenglei space kong he aa pehtlaimi lawngte an si.

‘Moon Tunes’ ca hla kuat khawhnak cu June 3 in 28 tiang a si lai i mah hnu ah NASA nih July 13 le 14 ah ‘Moon Tunes’ honnak puai tuah lai i Third Rock Radio in Live a thlahte lai. _ Soompi