17 C
Hakha
Sunday, August 9, 2020

Nam sawh tong US Chin pafa $20,000 bawmhnak an pek hna

- Advertisement -

US ram, Texas state i Midland khua um Sam’s Club supermarket chungah nam sawh a tongmi Pu Bawi Cung Nung le a fapa Robert cu Robert a sianginn sayama le a hawile nih Facebook in bawmhnak an kawlpiak hna i miphun dang tampi nih $20,000 an hlut hna.

Reagon Hignojos nih, “Nithumni ahkhan chungkhar cu kan va ton hna,” ati.

“Keimah, Ashley Wayland, Rebecca le Midland County District Cozah Sihni Laura nih kan ton hna. Pu Bawi Cung Nung cu a zumhnak fek tukmi le chungkhar a daw tukmi asi.

Bawmhnak an va pek hna lio – Photo: Reagan Hignojos

“Sihni Laura nih nam sawhtu pa case kong vialte cu a chimh fian dih hna. An halmi paoh a leh dih hna, i namsawhtu pa tazacuai chung vialte cu keimah nih kan ṭanpi hna lai, tiah bia a tiam hna.

“A fapa Robert cu a sayama nu a hmuh tikah aa lawm tuk.

“Bawi [Pu Bawi Cung Nung] nih, dawtu le bawmtu dihlak cungah kaa lawm tuk, Pathian nih nan zapi in thluachuah in pe ko hna seh ati,” tiah a ṭial.

Pu Bawi Cung Nung le a fale 2 cu sizung in an ṭumnak a sau pah cang.

Namsawhtu pa cu lainawn timh case in tazacuai asi

Namsawhtu pa Jose Gomez, kum 19

Nam in a sawhtu hna hi Hispanic miphun kum 19 pa Jose Gomez (hmanthlak) asi. Nam in a sawh hna lio ah an tlaih.

“Mi thah a timh” timi case 3 le “hriamnam in mi fahnak a pek” timi case 1 in taza an cuai lio asi.

Gomez nih, “chungkhar cu thah ka timh hna…” tiin palek sinah aa phuan.

“Chungkhar cu Chinese an si i midang pawl coronavirus zawtnak an chawnh hna tiin ka ruah caah nam in ka sawhmi hna si,” ati.

Nam sawh an rak ton lio kong cu mah hi hmet law rel khawh asi.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...