19.5 C
Hakha
Monday, November 29, 2021

Myanmar Ralkap nih Chin khuami 9 a thah than hna

Nizaan March 15 zaanlei ah Myanmar cozah ralkap nih Chin state Paletwa peng khuate pahnih ah vanlawng in bomb tampi a thlak i khuami 9 a thah hna.

Wetma le Pyinetin khuate 2 ah cozah ralkap nih vanlawng in bomb tampi a thlak i atutiang hngalh khawh tawk ah Wetma khuami 8 le Pyinetin khuami ngakchia 1 a thah hna.

“Atu hi Wetma khua ah minung 8 an thi cang tiin kan theih. Hliam tongmi 12 an si. A dikthlir kan thei kho rih lo. Inn 5 an kaang. Pyinetin khua ah Tang 5 siangngakchia pa pakhat a thi, ani hliam tong,” tiah khuami pakhat nih a chim.

Cozah ralkap nih vanlawng in bomb a thlak hi zahan zaanlei 4pm hrawngah asi. A thimi, hliammi le rawkmi zat a dikthlir in theih si rih lo.

Nai hrawng ah Myanmar cozah ralkap nih vanlawng in Chin khuate a kahmi hna kong cu Chin state ramri bawi Buhmu Han Win Aung kan hal nain ‘kei cu chimnak nawl ka ngei lo’ ati.

March 14 zaanlei zongah Paletwa le Sami khua kar um Meesawa khua cu ralkap nih vanlawng in voi 2 a kah i Chin khuami 12 an thah hna, adang 15 an hliamh hna, inn tampi an hrawh.

Charhchan: Chin World

Malaysia
2,623,816
Mizaw Hmuhmi
Updated on November 29, 2021 1:29 pm
Malaysia
2,527,052
A Dammi
Updated on November 29, 2021 1:29 pm
Malaysia
30,309
A Thimi
Updated on November 29, 2021 1:29 pm
Malaysia
66,455
Zaw Liomi
Updated on November 29, 2021 1:29 pm

Ṭial Tharmi