29.1 C
Hakha
Tuesday, March 31, 2020
More

    Myanmar pa nih Malaysia ah zu sa car aa luhpi i an tlaih

    Ṭial Tharmi

    - Advertisement -

    Malaysia ram ah zu sa car aa luh pimi Myanmar pa cu Penang International Airport ah an tlaih.

    “Bangkok in a rak zuangmi Myanmar pa (kum 30) nih aa phorhmi zu sa car 780g cu Zarhpini 8pm ah kan tlaih” tiah Department of Malaysian Quarantine and Inspection Services (Maqis) director Zarina Ramli nih a chim.

    “Myanmar pa nih hin luhpinak permit a ngeih lo pinah Myanmar ram nih pekmi ngandamnak certificate zong a ngei lo.”

    “Sa paohpaoh cu zawtnak le virus a um lo ti amahkhan ngandamnak certificate loin kan ram chung luhpi khawh a si lo,” tiah Zarina nih a chim.

    Mahni tthiam ah Maqis nih Thailand pa aa phorhmi hai thlum 59.8kg an tlaih ve.

    “Hai thlum cu RM2,565.68 man a si lai tiah kan ruahdamh. Hi bantuk phorh kan awnh lonak a ruang cu hai thlum ahhin bacteria a um sual ahcun kan ram hai vialte a hrawh dih lai ti kan phan caah a si.”

    “Vanlawng in hai kuat zong kan onh lo. Myanmar pa le Thailand pa kong cu hlathleinak kan tuah cuahmah lio a si i biaceih zung nih an sual tiin bia a khiah ahcun RM100,000 dantat silole a tambik kum 6 tiang thongthlak silole a pahnih ningin an inn khawh men” tiah Zarina nih a chimchap. – The Star

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.