Myanmar nih Ramkip Badminton tuk zuamnak a tuah ve cang lai

Myanmar nih avoi 1nk Ramkip Batminton tuk zuamnak a tuah lai
Ramkip badminton tuk zuamnak ah voi tampi champion a ngahmi Malaysia pa Lee Chong Wei

Myanmar Badminton Bu (MBF) nih Ramkip Badminton tuk zuamnak cu Myanmar ram ah avoi 1nk bik a tuah ve lai.

Zuamnak puai cu September 10 in 15 tiang Yangon um National Badminton Stadium ah an tuah lai.

“Ramkip Badminton Bu (BWF) nih nawl a kan pek cang. Badminton tual le a herhmi thilri pawl cu puai ni hlan ah tlamtling viar dingin timh kan i zuam cuahmah,” tiah U L Brang Mai, Myanmar Badminton Bu secretary nih a chim.

BWF phungphai ningin zuamnak cu phun 5 in tthen a si lai — pa single, nu single, pa pahnih, nu pahnih le nu/pa cawh tiin i zuam si lai.

Badminton tuk thiam Japan pa Kento Momota – champion of 2019 All England Open, 2019 Asian Championships, 2018 World Championship, 2018 Asian Championships and 2012 World Junior Championships

Mipi caah zoh man a um lai lo. Aho paoh manlo tein a hmun ah zoh khawh cio a si lai.

Zuamnak ah laksawng an pek ding tangka dihlak fonh $10,000 asi. Nu le pa single champion cu $750 veve pek an si lai. Minung 2 zuamnak voi 3 tiangah champion a ngahmi cu $790 pek an si lai.

Tangka laksawng cu champion lawng si loin pahnihnak le a donghnak bik a taangmi minung 16 zong pek an si lai, nain medal cu champion le pahnihnak lawng pek an si lai.

Zuam a duhmi cu a tlai bik August 13 hlan ah min pek dih ding.

“Myanmar rammi pawl cu BWF ah an rank a niam tuk caah tutan zuamnak ah minung zeizat dah an i tel kho lai ti kan chim kho rih lo.

“Thet Htar Thuzar hi cu ai zuam kho si, kan ram ah tuahmi puai asi cang champion ngah dingin fak piin ai zuam lai. Asia leitthen nichuah thlanglei ram pawl in a thiamthiam an rat lai caah fak piin ai zuam hau lai,” tiah U L Brang Mai nih a chim. — Myanmar Times [English]

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.