11.6 C
Hakha
Wednesday, February 19, 2020
More

    Muslim ralhrang nih Nigeria ah minung 30 an thah hna

    Follow Us

    99,952FansLike
    440SubscribersSubscribe

    Ṭial Tharmi

    - Advertisement -

    Abuja, Nigeria — Zarhpini zaan ah muslim ralhrang nih minung citmi motor an khangh hna caah a tlawmbik minung 30 paoh an thi cang, tiah mithmutu le khuami nih Reuters media ah an chim. Mei khangtu cu muslim ralhrang Boko Haram an si tiah an lunghrinh hna.

    Boko Haram nih ‘kanmah kan si’ an ti lo nain hika hrawng cu Boko Haram le Islamist State in West Africa (ISWA) nih mipi an thah lengmang hna nak asi.

    Ralkap nih Auno khua ah curfew an tuah i lam an kham ruangah Zarhpini zaan kha mipi an check hna i lampi ah sau ngai an i tap hna. 10pm hrawngah ralhrang nih aa tapmi motor pawl an khangh hna hi si, tiah mithmutu Bunu Ali nih a chim.

    Auno cu Maiduguri khua in meng 15 hrawng aa hlat. Mithmutu pakhat nih, “ralhrang nih motorcycle cungin an kah thluahhmah hna. A tlawmbik motor 18 paoh an khangh, minung tam nawn an fir hna,” tiah a chim.

    Nigeria Ralkap Bawi nih, “Nikhatni ah mi ruak 10 kan lak. Ralhrang kham kan duh hna caah 4pm ah lam kan khamnak asi,” tiah a chim.

    President Muhammadu Buhari nih ralhrang tuahsernak cu Nikhatni ah fakpi in a mawhchiat i, “ralhrang dohnak caah ralkap nih seh le mi ngiatnak thilri an zalh chap,” tiah President Office in thawng a thanh.

    Borno state hi Boko Haram le ISWA hmunkhuarnak laicer asi. Ralhrang nih kum 10 chung thahnawnnak an tuah i minung thong tampi an thah hna, millions tampi nih an inn an zaamtak. — Reuters

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.