12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Min Aung Hlaing nih Hakha University ah biakinn hme saknak thilri a hlut

    Ṭial Tharmi

    - Advertisement -

    Hakha University ah sak timhmi biakinn hme caah Myanmar ralkap bawi Min Aung Hlaing nih mirang vawlei tun 1,000 le canphio tlap 525 a hlut tiah kan theih.

    “Thilri pawl cu atu hi an phan pah cang hna. Hmai zarh ahkhin a dihlak in phan cang lai tiah kan ruah. Design an tuahmi he i keih dingin a hlutmi a si. Vailam tah pungsan in kan sak lai,” tiah Hakha khua nupa hruaitu Pu Siang Mang nih a chim.

    Hakha University ah sak dingmi biakinn hme cu Hakha Town Christian Fellowship nih biapi in a tlangtlakmi a si i Hakha Univeristy ah sianginn a kaimi siangngakchia pawl nih Pathian an theih i lungput ttha he ram le miphun caah san a tlaimi an si khawh nak hnga tinh in sak an timhmi a si.

    Pu Siang Mang nih “A ttha ngai ko. Min Aung Hlaing cu a kalnak kip ah biaknak lei ah lungtho ngaitin a cawlcangmi a si tikah kan Chin ram a rak phanh caan zongah Khrihfa tampi kan umnak Hakha University ah biakinn hme saknak a kan bawmh hi a si,” tiah a chim.

    Ralkap bawi Min Aung Hlaing cu March thla thok ka ahkhan Chin state a tlawng i Tedim peng ralkap sakhan le Hakha ah a ummi ralkap sakha ah a kal i ralkap le an chungkhar pawl a ton hna. Cun, Hakha khuami he zong tonbiaruahnak an ngei.

    Hakha khua nu/pa nih Paletwa peng ah a herhmi dinei awk le thilri bawmhnak pek ding in le Hakha University ah an sakmi biakinn hme caah bawmhnak pek dingin Min Aung Hlaing sinah an hal. – Chin World

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.