Messi cu vawlei cung zaanglek vialte lakah hlawh sang bik asi

Pa thiam Messi cu vawlei cung zaanglek vialte lakah hlawh sang bik asi

Forbes magazine nih vawlei cung minthang/celebrity hlawh sang bik a phuan i Lionel Messi cu 4nk asi. Zaanglek lak ahcun pakhatnak asi. Ronaldo cu 6nk asi i zaanglek lak ahcun 2nk asi.

Liamcia thla 12 chung vawlei cung minthang vialte lakah hlawh sangbik 10 hna cu;

  • Taylor Swift — $185 (kum 29 US pop awttha),
  • Kylie Jenner — $170 million (kum 21 US model),
  • Kanye West — $150 million (kum 42 US rapper),
  • Lionel Messi — $127 million (kum 32 Argentina bawlung chuih thiam),
  • Ed Sheeran — $110 million (kum 28 UK awttha),
  • Cristiano Ronaldo — $109 million (kum 34 Portugal bawlung chuih thiam),
  • Neymar — $105 million (kum 27 Brazil bawlung chuih thiam),
  • The Eagles — $100 million (US music band),
  • Dr Phil McGraw — $95 million (kum 68 US talk shows minthang) le
  • Canelo Alvarez (kum 28 Mexico boxing minthang) — $94 million hna an si.

An hmuhmi tangka hi tax zuh hlan i an hmuhmi lawngte si.

Zaanglek/athlete vialte lakah hlawh sang bik a simi Barcelona arfi Argentina pa Messi cu thla 12 chung $127 million a hmuh lio ah Juventus arfi Portugal pa Ronaldo cu $109 lawng a hmu.

Mi tampi nih cun Ronaldo hi bawlung chuih a thiam deuh an ti nain an hmuhmi hlawh cu aa dang rumro.

Messi cu Barcelona club nih kum 1 a pekmi lahkhah lawng bak hi $80 million asi. Cun, a nun chung thilri cawngia dingin Adidas company he sachoh an ngei i kum fatin $12 million peng lahkhah an pek.

A taangmi $35 million cu company dang pawl an thil a cawngia piakmi hna in a hmuhmi si.

Zaanglek hlawh sang bik 2nk a simi Cristiano Ronaldo cu Juventus club nih kum 1 ah lahkah $65 million an pek. Company dangdang thilri cawngia in $44 million a ngah.

Zaanglek hlawh sang bik 3nk a simi Neymar cu PSG nih kum 1 ah lahkhah $75 million a pek i a taangmi $30 million cu company dangdang thil cawngia in a hmuh.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.