26.2 C
Hakha
Monday, June 1, 2020

Mask man fak piin a zuarmi nan theih hna ahcun report tuah uh: Aung San Suu Kyi

- Advertisement -

Mah tangka hmunak caah hmaikhuh (mask) man fakpiin a zuarmi cu kan zoh sawhsawh hna lai lo, mipi zong nih cu bantuk an um nan theih ahcun report hna uh, tiah Myanmar ram ruahnak cheutu Pi Aung San Suu Kyi nih a chim.

Covid-19 zawtnak i vennak, dohnak le thlopnak rian ah aa telmi Bago ramtthen in mipi pawl he April 6 zaan ah online in biaruahnak an ngeih lio ah atu bantuk in a chim hi a si.

“Atu hi Kawlram ah hmaikhuh 6.3 million a um i ramdang ah kan cah chap rih. Hmaikhuh cu ramchung zong ah chuah kho dingin khua kan khan. Atu lio ahhin hmaikhuh le virus thahnak sii pawl cu man fak piin an zuar awk a si lo. Tangka hmuh duh ah mi nunnak cu lente i celh awk a si lo i upadi he zong aa kalhmi a si,” tiah Pi Aung San Suu Kyi nih a chim.

Myanmar ram innpa pawl ahcun Covid-19 mizaw an um hnu zong ah hmaikhuh cu 1 ah Myanmar Kyats in 50-200 lawng an si hna. Myanmar ram ahcun Covid-19 mizaw an hmuh sin tein hmaikhuh cu 1 ah Kyats 1,000 tiang a phan.

Atu lio ah hmaikhuh cu 1 ah Kyats 400-500 tiin online ah a zuarmi zong an um.

Covid-19 zawtnak dohnak caah a herhmi thilri, sii, dinei awk pawl man fak piin a zuarmi cu upadi ning in dantat an si lai tiah Chawlehnak Vuanci Zung nih March 30 ah thawng a thanh. – RFA

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...