18 C
Hakha
Tuesday, September 21, 2021

Manager ka ngei rih lo tiah Esther Dawt Chin Sung nih a chim

Awttha Esther Dawt Chin Sung nih atu lio ahcun manager ka ngei rih lo, ka kawl cuahmah lio a si a ti.

Esther Dawt Chin Sung: MMID hlasak kaa zuamka tein ka U Thawng, Mah Sein, Mah Suh, Mah July le Mah Shweyi nih atu tiang khual ka tlawnnak ah ka nu taktak bantuk in an ka zulh i an ka zohkhenh. Ka ti hal zong ah ti ka duh ti chimh hmanh an hau lo, an ka zohnak in zeidah a duh ti an theih colh.

Pathian nih a ka pekmi ka nule an si. Ka dawt tuk hna i an cungah kaa lawm tuk fawn. Manager ka ngei rih lo i zuamnak a dihka ahkhan harnak ka tong ngai.

Khoika hmun kal a herhnak paoh ah anmah nih an ka zulh. Kei hi motor cit ah hngilh ka hmang tuk. A caan ahcun aa tthang sual lai tiin hngilh lo hna in an um. Ka nu taktak bantuk an si i manager hmanh ka hau ti lo.

Nain, hi rian hi caan saupi pehzulh duh ahcun manager cu a herh hrimhrim. Atu hi manager cu ka kawl lio a si.

Kan chungkhat lakah Kawl holh ttha tein a thiammi ka hlat lai i, keimah nih cun ka manager ca ahcun kan chungkhat si hna seh ti ka duh.

Album thar caah a rauh hlan ah hla kaa tun cang lai. Atu lio cu puai a tamtuk pinah ka aw zong a hman rih lo.

Atu lio cu hlasak puai a tamtuk i ka ba pah nain thazaang a ka petu an tampi caah ka thatlung tuk. Hmailei ah kaa zuam rih ko lai. Album thar cu kaa chuah hrim ko lai a tuan le tlai lawng si lai.

Malaysia
2,112,175
Mizaw Hmuhmi
Updated on September 21, 2021 10:41 am
Malaysia
1,880,733
A Dammi
Updated on September 21, 2021 10:41 am
Malaysia
23,744
A Thimi
Updated on September 21, 2021 10:41 am
Malaysia
207,698
Zaw Liomi
Updated on September 21, 2021 10:41 am

Ṭial Tharmi