12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Malaysia thli thur thianter dingin minmei an thlah lai

    Ṭial Tharmi

    - Advertisement -

    Atu hi Malaysia ram pumpi cu Indonesia ram in a rami meikhu nih a zual dih. Thli a thur tuk ruangah Malaysia ram chung sianginn a zaza in an khar.

    Selangor state cozah nih Malaysia ram chung i Thli Thur Tahnak API 200 leng a phanhnak hmun pawl ah ruah sur seh tiin minmei (clouds) thlah a timh. API 200 leng a phanh ahcun minung ngandamnak caah a tha ti lo.

    “September 12 ah tuahmi Selangor Economic Action Council (MTES) meeting ah minmei cin/thlah dingin bia kan chah hi a si,” tiah state pawngkam zohkhenhnak zung chairman Hee Loy Sian nih a chim.

    Kokek rawhral tawlrel tu bu nih sml 24 chung Selangor state ah API hmangin thli an zoh i 151 in 200 a phan.

    Cu caah, state cozah nih mipi pawl cu hmurhuh a pek hna lai.

    Malaysia Prime Minister Mahathir Mohamad nih kum fatin, a hlei in nikhua linh deuh caan paoh ah nan ram in meikhu a rat pengmi hi kan i nuam lo ngaite” tiin Indonesia cozah sin ah ca a kuat.

    Indonesia ram in meikhu a ra an timi cu Indonesia cozah nih “meikhu hi kanmah ram lawngin a chuakmi a silo, Malaysia le Vietnam ram zong in a chuak ve” a ti.

    Nilini ahkhan Indonesia ram, Sumatra, Riau, Jambi le Sumatra province thlanglei ah ramlak meikang 222 an hmuh. Cun, Borneo island i Kalimantan khua zongah ramlak meikang 1,264 an hmuh.

    Nilini ahkhan Kalimantan he ramri simi Malaysia ram, Sarawak state ah minmei an thlah.

    Thli Thur Tahnak API 0-50 tiang hi thli a thiang ko tinak a si. 51-100 punghman a si. 101-200 hi minung ngandamnak caah a tha lo. 201-300 cu minung ngandamnak caah tih a nung tuk cang. 300 le a cung lei cu tuksapur si cang.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.