April 19 ahkhan Seri Kembangan khua ah a ummi suidawr pakhat cu mifir nih an luh hnawh i sur dawr manager pa meitha in a kah. Manager pa cu a thi.

Thil a can hi zaam sml 7.30 hrawng ah a si i motorcycle luchin aa khuhmi pa 3 cu pistol he sui dawr ah an lut.

Mifir pa 3 nih sui dawr manager pa cu rian an fialmi rianrang in a tuah lo ruangah meithal in a tang ah an kah.

“Manager pa cu a hmun ah a thi colh. Mifir 3 hi dawr leng in a hngaktu hawi dang an ngei rih. tray 2 chiahmi sui cu motorcycle in an zaampi,” tiah Selangor CID chief Fadzil Ahmat nih a chim.

Sui dawr rian a ttuan vemi nu pakhat cu zeihmanh an ti lo. Minutes 3 chung ah sui an fir i manager pa meithal in an kah. _ NST