20.1 C
Hakha
Wednesday, June 16, 2021

Malaysia Rammi cu cozah nih RM1,600 cio a bawmh hna lai

Malaysia ram hruaitu Prime Minister Pu Muhyiddin Yassin nih, “coronavirus zawtnak ruangah lengchuah (rianṭuan zong aa tel) kan phih caah nan har tuknak hnga lo rammi paoh cu cozah nih kan in bawmh hna lai,” tiah thawng a thanh.

“Thla 1 ah RM4,000 le mah nak tlawm a hlawhmi chungkhar paoh cu RM1,600 cio bawmh nan si lai.

“Thla 1 ah RM4,000 in RM8,000 kar a hlawhmi chungkhar paoh cu RM1,000 cio bawmh nan si lai.

“Thla 1 ah RM2,000 le mah nak tlawm a hlawhmi kum 21 le acunglei single paoh cu RM800 cio bawmh nan si lai.

“RM2,001 le RM4,000 kar a hlawhmi kum 21 le acunglei single paoh cu RM500 cio bawmh nan si lai,” ati.

Bawmhnak an ngah dingmi acheu cu April thla chungah cozah nih an bank account cio ah a kuat hna lai. Acheu cu May thla chungah a kuat hna lai.

Cun, “High School (SPM) aa lim cang i mah nak sang deuh matriculation (Tang 11 le 12), college le university (cozah he private he) a kai liomi siangngakchia paoh cu RM200 cio bawmh nan si lai.

“Covid-19 zawtnak dotu sibawi le nurse pawl cu hawi hlei in an retheih caah April 1 thokin zawtnak a dih hlan tiang thla fatin RM600 peng bawmh an si lai,” tiah a thanh.

US ummi paoh cu cozah nih minung 1 $1,200 cio an bawmh ve hna lai. Thla fatin si loin voi 1 lawng si lai. Duh cun cozah bawmhnak dang sok chih khawh asi.

Australia ummi sifak le pension eimi minung 6.5 millions zong cozah nih A$750 cio a bawmh ve hna lai. Australia um Chinmi paoh (99%) cu sifak cazin ah aa telmi lawngte kan si i a ngah dih ding kan si. Thla fatin si loin voi 1 lawng si lai. Duh cun cozah bawmhnak dang sok chih khawh asi.

Company pawl cu adang tein bawmh an si ve lai.

Charhchan: 9News [Australia], The New York Times [US], MalaysiaKini le World of Buzz [Malaysia]

Mah lio cun, Malaysia le India um Chin refugee pawl cu bawmhnak zeihmanh kan ngah lo caah kan har chin lengmang.

Malaysia COVID-19

Malaysia
667,876
Mizaw Hmuhmi
Updated on June 16, 2021 1:45 pm
Malaysia
593,695
A Dammi
Updated on June 16, 2021 1:45 pm
Malaysia
4,069
A Thimi
Updated on June 16, 2021 1:45 pm
Malaysia
70,112
Zaw Liomi
Updated on June 16, 2021 1:45 pm

Ṭial Tharmi