15.8 C
Hakha
Wednesday, August 12, 2020

Malaysia PM le Vuanci dihlak nih thla 2 an lahkhah Covid-19 dohnak caah hlut

- Advertisement -

Kuala Lumpur — Malaysia ram hruaitu Prime Minister, vuanci le vuanci changtu dihlak nih thla 2 an lahkhah cu Covid-19 zawtnak dohnak caah an hlut lai, tiah PM Office nih thawng a thanh.

Prime Minister Office nih, “Prime Minister, vuanci dihlak 31 le vuanci changtu dihlak 38 i an lahkhah cu automatic in zuh dih in Covid-19 dohnak fund ah kuat dih asi lai,” tiah tuni ah cathluan a chuah.

“March 25 ah Prime Minister, vuanci dihlak le vuanci changtu dihlak cu meeting an tuah i thla 2 kan lahkhah cu automatic in zuh in Covid-19 dohnak fund ah kuat dih si seh tiah lungtlinnak an ngei.

“Rampumpi ah Covid-19 zawtnak nih harnak a pekmi hna hi cozah nih zei tluk in dah bawmh an duh hna ti cu tutan an tuahsernak nih a langhter.

“Covid-19 zawtnak nih harnak a pekmi vialte bawmhnak caah tiin March 11 ah cozah nih Covid-19 fund a thok.

“Nizaan, March 25 tiang ah Covid-19 fund ah tangka RM8,493,103.48 a lut cang. Cozah nih a chuahmi tangka zong aa tel,” ati.

Charhchan: The Star

Ruah len awk: Mah lio cun Chin state cozah nih cun pengtlang kip ah mipi sinah Covid-19 dohnak caah bawmhhalnak kan tuah lai, atutiang ah ting 200 leng an hlut cang, ati. Malaysia cozah he cun a bingtalet bak an si.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...