20.1 C
Hakha
Wednesday, June 16, 2021

Malaysia palek nih lam an block lio ah ritsii zuarmi Myanmar pa an tlaih

April 3 ah Malaysia palek nih Butterworth Outer Ring Road ah lam an block i mi an check lio ah ritsii a zuarmi kum 40 hrawng Myanmar pa an tlaih.

“Myanmar pa cu Naza Citra motor aa mongh i leng a chuahnak a ruang ttha tein a chim khawh lo pinah kan lunghrinh i a motor kan check. A mortor chung ahcun heroin 450g le shabu 507g kan hmuh. A zate RM11,605 man a si,” tiah Serberang Perai Tengah peng palek bawi Mohd Mustafa Bidin nih a chim.

“Kherhlainak kan tuah hnu ah Butterworth khua ah ritsii zuarnak inn pakhat kan luhhnawh i a dang kum 38 le kum 48 Myanmar pa 2 le kum 38 Myanmar nu kan tlaih chap hna. Cun, ritsii zong kan tlaih chih.

“An dihlak in thonginn ah ni 7 chung hren an si lai i Ritsii upadi in tazacuai an si lai,” tiah Mustafa nih a chimchap.

April 3 tthiamtthiam ah Langkawi ah chinlung a chuihmi Myanmar pa 11 le Bangladesh pa 2 cu lengchuah phihmi nan zul lo tiin palek nih an tlaih ve hna.

Malaysia COVID-19

Malaysia
667,876
Mizaw Hmuhmi
Updated on June 16, 2021 1:45 pm
Malaysia
593,695
A Dammi
Updated on June 16, 2021 1:45 pm
Malaysia
4,069
A Thimi
Updated on June 16, 2021 1:45 pm
Malaysia
70,112
Zaw Liomi
Updated on June 16, 2021 1:45 pm

Ṭial Tharmi