15.8 C
Hakha
Wednesday, August 12, 2020

Thailand ah nifatin minung 100 leng covid-19 zawtnak an i chawn

- Advertisement -

Thailand ram ah a luancia thla chung ahcun covid-19 zawtnak a ngeimi kut khiah khawh zat lawng an si nain atu ahcun nifatin covid-19 zawtnak ngeimi 100 leng an si. Zawtnak ngeimi tamdeuh cu thongh (boxing) puai tuahnak hmun in aa chawnmi an si hna.

Thailand ram ah tuni lawngah covid-19 zawtnak ngeimi minung 111 hmuhchap an si. March 24 ah mizaw thar 122 le March 25 ah mizaw thar 106 hmuh an si. An ram pumpi ah zawtnak ngei minung 1045 an si i minung 4 an thi cang.

“Coronavirus zawtnak ngeimi minung 88 cu an dam i sizung in an chuak cang. Minung 953 cu sizung ah an um ko, cu chungah minung 4 cu an zual tuk,” tiah Thailand Ngandamnak Zung in sibawi Anupong Suchariyukul nih a chim.

“Atu bantuk in Thailand ram ah covid-19 zawtnak a karhmi hi nuamhnak puai, boxing puai le biaknak puai ah an kal ruangah a si. Nifatin an karh peng rih kho men,” tiah sibawi pa nih a chimchap.

Atu lio cu Thailand ram ah rian a ttuanmi Kawlrammi pawl zong Myanmar ram ah an kir thluahmah hna.

Myanmar ram a hung kirmi Kawlrammi cheukhat cu nawl ngeitu nih anmah inn cio ah ni 14 chung leng chuak lo dingin an ti hna nain a zul duh lomi zong an um ti a si.

Thailand ram, Phuket khua ahcun sii lei rianttuanmi zong an zaw.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...