Malaysia palek 6 nih mipa damiah an ttaih, palek nih an tlaih hna

Kuala Lumpur: Duhtlong palek 6 nih tangka thlennak (money changer) dawr damiah an ttaih lio cu CCTV nih fiang taktak in a rak thlak viar hna.

Palek sual 6 lakah inspector pakhat aa tel. KL palek nih CCTV an zoh hnu ah an hliah khawh colh hna, an 6 ningin May 21 ah an tlaih viar hna.

Zarhpini, May 19 ah tangka thlennak dawr cu palek 6 nih an kal hnawh. Dawr ngeitu pa cu “palek le cozah bank Bank Negara rianttuan kan si” an ti.

“License loin tangka thlennak na tuah” tiah hrokhrawl in an puh i a kut an leh. A dawr an thlok viar.

A dawr an thlok lio ah RM4,000 an lak. Palek pakhat nih meithla aa put.

“Luat na duh ahcun Malay tangka ting 2 (RM200,000) kan pe” an ti i dawr pawng bus stop in an hngah. Dawr ngeitu pa nih a mawttaw mongtu cu inn ah tangka a va lakter i bus stop ah palek 6 cu RM200,000 a pek hna.

An kal cangka in palek sakhan ah thawng a thanh colh.

KL palek bawi Mazlan nih, “palek sual 6 cu kan tlaih cang hna, anmah he aa bawmmi rammi 4 (Bank Negara rianttuan 1 aa tel) zong kan tlaih hna,” tiah a chim.

“Mah kong hi biatak tein kan hlat lio a si. Palek an si ah, rammi an si aah mithmai kan zoh bak lai lo.

“An sualnak tehte kan hmuh dih hnu ahcun upadi ning tein a theipar an zun ko lai.

“Abu in damiah ttaih upadi dal 395 le 170 in case kan tuah i kan hlat lio a si,” tiah palek bawi nih a chimchap. — The Star