Malaysia nu nih phungninglo ramdangmi a kilven hna ruangah RM420,000 dan an tat

biaceih zung

Sepang: Electronic thilri zuarnak company ah assitant manager a ttuanmi Malaysia Tuluk nu cu biaceih zung nih phungninglo ramdangmi 84 a kilven hna tiin tuni ah RM420,000 dan a tat.

Malaysia Tuluk nu Low Po Sek (kum 40) nih ni kum July thla ahkhan Klang ah a ummi inn pakhat ah phungninglo in a ummi Philippines rammi 59 le Indonesia 25 a rak um ter hna.

Low Po Sek cu lahwahkah nih lahwahkah upadi 1959/63 Dal 55 e (6) in tazacuai an cuai i ka sual ko tiin aa phuan ruangah atu bantuk in biaceih zung nih dan a tat hi a si.

Malaysia nih Kawlrammi telhin ramdangmi 60 a tlaih hna

Taza an cuainak upadi ahhin phungninglo ramdangmi pakhat ca ah a tambik RM30,000 silole thla 12 thongthlak khawh a si.

Lahwahkah sihni Noor Julisa nih Low Po Sek cu biaceih zung ah RM420,000 dantat dingin a halmi a si.

“Malaysia rammi nih phungninglo ramdangmi an zohkhenhnak hna hnga lo ralrin pek can ah atu bantuk in fak piin dantat dingin ka hal hi a si,” tiah Noor Julisa nih a chim.

Low Po Sek sihni nih tuan ahkhan “Low Po Sek cu manager lawng a si i ramdangmi pawl hi phungninglo in an ummi a thei lo. Cucaah, dantatmi dinter deuh tiin biaceih zungah a hal.

Nain, biaceih zung nih Low Po Sek cu RM420,000 liam dingin nawl a pek tthiam. A pek khawh lo ahcun thla 24 thongthlak ding a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.