Innpi Asia Malaysia nih Kawlrammi telh in ramdangmi 21 a tlaih tthan hna

Malaysia nih Kawlrammi telh in ramdangmi 21 a tlaih tthan hna

  • Kawlrammi 3 an tlaih hna
  • Pakistan pa cu a zaam i inn dot 4 cungin a zuan caah a fengbeo aa merh

Zahan zaanlei ah Malaysia ram Ipoh le Perak state lahwahkah nih phungninglo ramdangmi tlaihkhihnak an tuah i Kawlrammi telh in 21 an tlaih hna.

Pakistan pa cu tlaih le thongthlak a ttih tuk caah a zaam i inn dot 4 cungin a zuang nain a fengbeo aa merh caah an tlaih thiamthiam.

Pakistan pa cu a ke thlop dingin sizung ah an kuat, a dam cangka an tlaih tthan te lai.

August 6 zaanlei 2pm in 7pm tiang hmun hmun 11 ah tlaihkhihnak kan tuah, tiah Perak state Lahwahkah bawi Ismail nih a chim.

Lahwahkah bawi nih, “Pakistan rammi 8, Bangladesh le Indonesia rammi 5 veve le Myanmar rammi 3 kan tlaih hna,” tiah a chim.

“An dihlak in kum 21 in 52 kar an si.

“Thawng a kan thanh ningin hmun 11 ah tlaihkhihnak cu kan tuah, security a ttuanmi pawl umnak, rian ttuan pawl umnak, tbk., vialte kan luhhnawh dih i ramdangmi 70 kan check hna hnu ah phungninglo 21 kan tlaih hna.

“Passport ngeih lo le visa thih hnu tiang um Lahwahkah Upadi in case tuahpiak an si,” tiah Lahwahkah bawi nih a chim. — The Star

Ṭial Lian Thang
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.

Ṭial Tharmi

VIDEO – Aung La Nsang nih Round 2 bakah Vera a...

Aung La Nsang nih Brandon Vera cu round 2 ah puai piat bakin a tei colh. Kehlei kuttum in a kha ah...