22.3 C
Hakha
Wednesday, February 19, 2020
More

    Malaysia nih Kawlrammi telh in ramdangmi 155 a tlaih hna

    Follow Us

    99,952FansLike
    440SubscribersSubscribe

    Ṭial Tharmi

    - Advertisement -

    Kuala Lumpur — Lahwahkah nih Sungai Kayu Ara um Apartment Sri Ara ah phungninglo ramdangmi tlaihkhihnak a tuah i Myanmar telh in ramdangmi 155 a tlaih hna.

    Tlaihmi hna cu pa 83, nu 65 le ngakchia 7 an si. February 8 (Zarhteni) zingka ah an tlaih hna.

    Lahwahkah bawi Datuk Khairul nih, “kan tlaihmi tam deuh cu Indonesia rammi an si i 130 an si, cun India rammi 9, Nepal 8, Myanmar 4 le Bangladesh 4 an si,” tiah a chim.

    “Tlaihmi tam deuh cu khualtlawnnak catlap dik an ngei lo.

    “Cheukhat cu visa thih hnu tiang an um i an ram pa he aa ummi hna an um.

    “Work permit ningcang loin a hmangmi zong an um. An work permit ah aa ṭial lomi company pawl ah an ṭuan.

    “Tahchunnak ah, an work permit ahcun an boss cu Negri Sembilan state ah cinthlaknak lo a tuahmi si tiin aa ṭial nain cashiers le thil kuat rian hna an ṭuan.

    “Lahwahkah rianṭuan 200 le Hmatpungṭin Zung rianṭuan 9 nih tlaihkhihnak cu kan tuah.

    “Mipi nih ramdangmi an umnak pawl a kan chimh lengmang caah kan i lawm.

    “Phungninglo ramdangmi tlaihkhihnak cu kan tuah peng lai,” tiah a chim. — The Star

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.