Malaysia mirum pa pakhat cu Hari Raya chung khual a tlawn kar ah Jalan Presint 10 ah a ummi a inn cu mifir nih an baohpiak i RM100,000 leng man thil an fir.

Thil a can hi nizaan ah a si. Mirum pa cu nizaan zaanlei sml 3.45 hrawng ah inn a rak tin. A inn chung cu mifir nih an rak rok dih, ihnak khan innka aa baoh kha a hmuh.

“Mifir nih inn an baoh lio ahhin mipa hi inn ah a um lo. June 3 in khan a chuahkehnak khua ah a tlawng i inn a tin hlan ah thil a cangmi hi a si,” tiah Putrajaya palik bawi Rosly Hasan nih a chim.

Mipa nih khual a tlawn lai ahhin innka zong tha tein a hrenh dih tak ko. CCTV zong a hon tak.

Mifir nih kutkhih suimilam manfak 4, sui, angki mansung zun 3, bag le RM5,000 an i kalpi. A tlaumi dihlak man hi RM100,000 leng man an si hna.

Mifir nih hin inn hmailei thlalangawng an baoh i inn chung ah an lut.

Thil sining cu Sualnak Upad Dal 457 in kharhlainak an tuah liopi a si. _ NST