Malaysia, March Thla Chungah Tlaihkhih A Tam Lai

ACR

March thla chungah tlaihkhih a tam lai tiah theih a si.

UNHCR zung nih theihpi mi card silole catlap naa tlaih ko buin rianttuannak ah tlaih na ton ahcun UNHCR zung le ACR (010-3345200) ah an tlaitu (palek/lahwahkah), caan le hmuhma tha tein chim in thawngthanh hna.

UNHCR le Malaysia lahwahkah kar ah hnatlaknak zeihmanh a um lo tikah UNHCR card aa tlaih ko mi zong zeitik caan le hmun paoh ah tlaih khawh a si.

UNHCR card silole catlap naa tlaih ko buin palek silole lahwahkah nih an in tlaih ahcun palek sakhan nih UNHCR sinah a dik/lo an check hmasa. UNHCR nih ka minung a si ko a ti ahcun ni 14 hnu ah thlah na si than lai.

Nain, thonginn le camp chung na phak cang hnu ahcun UNHCR lawng nih an rak in chuah khawh.

UNHCR silole catlap i tlaih paoh in ka luat lai tiah ruah ding a si lo. Mitlaitu palek, lahwahkah cungah a hngat. Cu ruangah, rianttuannak, lennak hmun ah check na ton ahcun upat, toidor tein chawnh khawh i zuam hna.

UNHCR card silole catlap kaa tlaih ko ti phun in ninghngal in mi chawnhbiak hman lo a biapi. Mi ramdang ah ralzaam dirhmun in khua a sami ka si timi lungput te he ralzaam zohkhenh nak caah dirhmi bu ah i tel ah a tha.

Cutin, naa tel ve ahcun naa telnak bu cu a tthawng lai i pakhat le khat kan i bawm kho hna lai.

Na nunning le ziaza cu na ram le miphun hmelchunhtu a si. _ ACR

Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.