20.1 C
Hakha
Wednesday, June 16, 2021

Malaysia: Lengchuah Phihmi (MCO) Sauh/lo April 10 ah kan khiah lai

Malaysia Ngandamnak Vuanci Zung nih, “lengchuah phihmi (MCO) sauh/lo cu cazin kan zohfel hnu April 10 ah bia kan khiahte lai,” tiah thawng a thanh.

“Thil sining cazin kan khawmh cuahmah lio asi. Malaysia mipi zong nih nan tuah khawhmi cu nan tuah ve a herh,” tiah Ngandamnak Vuanci Zung director-general Datuk Dr Noor Hisham Abdullah (hmanthlak) nih a chim.

“Cazin kan khawmhmi nih hin MCO sauh a herh/lo a kan chimh lai. Atu cun ka ruahdamh kho lo, nain science le tehte zoh chih in bia khiah a herh.

“April 10 ahcun, MCO sauh/lo biakhiahnak caah cazin a zatawk kan khawmh khawh lai ti kan i ruahchan.

“Malaysia mipi hna inn chungah um peng rih ko uh, cun i thianh hlimh tein um ulaw nan kut i ṭawl lengmang uh. Mi he aa hlat piin umkal uh,” ati.

Malaysia chawlehnak lei thiamsang pawl nih cun, “an sauh ko men lai, nain atu bantuk si loin an dorh deuh te men lai, cheukhat cu rianṭuan zong an ngahte men lai. Mah lo cun kan ram sipuazi fak tukin a tla lai…,” tiah an ruahdamh.

Tuni, April 6 tiangah Malaysia ah;

  • zawtnak ngei hmuhmi dihlak 3,793 an si
  • Mah chungah 62 an thi i
  • 1,241 an dam cang
  • a zaw liomi 2,490 an si.

Mizaw 131 cu tuni ah hmuh tharmi an si.

Tuni lawngah minung 236 an dam i, inn an ṭinter cang hna.

Nizaan April 5 tiangah vawlei pumpi ah a zawmi, thimi le dammi cazin cu mah hi hmet law zoh khawh asi.

Charhchan: The Star le NST

Malaysia COVID-19

Malaysia
667,876
Mizaw Hmuhmi
Updated on June 16, 2021 1:45 pm
Malaysia
593,695
A Dammi
Updated on June 16, 2021 1:45 pm
Malaysia
4,069
A Thimi
Updated on June 16, 2021 1:45 pm
Malaysia
70,112
Zaw Liomi
Updated on June 16, 2021 1:45 pm

Ṭial Tharmi