12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Malaysia Lengchuah Phihmi April 14 tiang an sauh

    Ṭial Tharmi

    - Advertisement -

    Malaysia ram hruaitu Prime Minister Pu Muhyiddin Yassin (hmanthlak) nih tuni ah, “lengchuah kan phihmi cu April 14 tiang sauh/thawn dingin cozah nih bia kan khiah cang,” tiah TV in rammi sinah thawng a thanh.

    “Ram Himnak Zung le Ngandamnak Vuanci Zung nih thil sining an ka chimh, cun Covid-19 zawtnak ngeimi zong an karh chin lengmang caah lengchuah phihmi kan sauh hi si.

    “Mizaw karh a zor khawhnak ding ahcun caan tlawmpal a rau rih lai.

    “Cucaah, cozah nih lengchuah phihmi hi peh rih ko usih kan tinak si.

    “Mah ruangah, lengchuah phihmi (MCO) cu April 14 tiang kan sauh. Mipi timhcia in nan um khawhnak hnga tuan tein thawng kan thanh hna hi si.

    “Covid-19 zawtnak karh hi donghter a herh, mipi ni fatin nan vah lo ahcun kan donghter khawhmi asi.

    “Kan hnu zarh chung lawngah mizaw thar 673 kan hmuh hna.

    “Mipi zong nih inn chung ah caan sau deuh um dingin thinlung le taksa in nan i timh hrimhrim a herh.

    “Zung le dawr kharmi vialte pehzulh in nan khar rih hna lai. Sianginn kai ṭhan dingin aa timmi vialte zong i leet uh.

    “Lungdai tein um ulaw lau hlah uh. Lengchuah phihmi kan sauh zongah, a hleihluat tukin rawl i cawk a hau lo, rawl a dih lai lo, kan i za ko lai. Kan dihlak caah a za dingin rawl a um ko tiah bia kaan kamh hna.

    “Nan khing a rit tuk lai ti ka hngalh ko, nain thim ding dang ka ngei lo. Nanmah himnak caah lengchuah phihmi ka sauh hi si,” tiah Prime Minister nih a chim.

    Tu chun tiangah Covid-19 zawtnak ngei thar 172 an hmuh hna caah a zawmi dihlak 1,796 an si cang.

    Charhchan: The Star, NST, CNA

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.