12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Malaysia lengchuah phih ruangah a har tukmi Chin min cazin lak asi lai

    Ṭial Tharmi

    - Advertisement -

    Kuala Lumpur — Nihin ah Chin ralzaam communities dihlak (ICC) hruaitu pawl meeting an tuah i “cozah nih lengchuah a phih ruangah ei awk ngei lo Chin min cazin lak in UN ah bawmh halpiak ding” tiin bia an khiah.

    Cozah nih lengchuah a phih ruangah Chinmi tampi rian an ṭuan kho hna lo i eidin le a dangdang ah harnak tampi an tong kho.

    Zei tiang dah rianṭuan kho loin an um lai ti zong hngalh asi lo caah ei awk ngei lo, inn man pek awk ngei lo le bill pek awk ngei lo dirhmun an phan sual lai tiin ICC upa nih UNHCR ah bawmh halpiak an timh hna hi si.

    Cucaah, khua le pengtlang upa nih nan khua/pengtlang chungah a harsa ko nan timi an um ahcun min cazin la hna ulaw ACR, CRC, FRO, ZAM, tbk., nan i pehtlaihnak community ah ap uh. Mah hnu ah ICC nih UNHCR sinah a ap te lai.

    A tlaibik tu zarh Nilini (March 26) hlan ah CRC lole ACR, FRO, ZAM, tbk., ah khua/pengtlang upa nih min cazin cu nan ap lai.

    Atanglei kan langhter ningin min cazin cu nan lak hna lai. Bawmh lo cun harnak a tong taktak ding lawng nan lak hna lai. UNHCR card/catlap an ngeih/lo cu telh a hau lo.

    Bawmh hal cu kanmah rian, ngah/lo cu Pathian le UN nawl.

    Theih ding: Nan khuami dihlak min cazin lak asi lo. Lengchuah phih ruangah rian a ṭuan kho lo i rawl cawknak, inn man le bill pek awk a ngei lo ding, a harsa taktakmi min “lawnglawng” lak ding asi.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.