Malaysia Langkawi ah Kawlrammi 3 an tlaih hna

Malaysia Langkawi ah Kawlrammi 3 an tlaih hna

Malaysia lahwahkah nih Langkawi ah a ummi Chenang Beach le Rebak Island ah tlaihkhihnak a tuah i Kawlrammi 3 telhin ramdangmi 18 a tlaih hna.

Tlaihkhihnak an tuah hi Ningani ahkhan a si i rili hngak palek le Kedah state lahwahkah i bawm in phungninglo minung tlaihkhihnak an tuah.

“Phungninglo ramdangmi rian an ttuan ti thawngpang kan theih ruangah Chenang Beach le Rebak Island ah a ummi dawr pawl ah tlaihkhihnak kan tuah.”

“Tlaihkhihnak cu zinglei sml 10 in chun 12 tiang kan tuah. Ramdangmi 121 kan check hna i minung 18 cu zeihmanh ngei lomi an si.”

“Kan tlaihmi hna hi kum 18 in kum 55 kar an si hna. Bangladesh 5, Nepal 4, Myanmar 3, Pakistan 3, French 1, Philippines 1 le Japan 1 kan tlaih hna. An dihlak in Lahwahkah Upadi in tazacuai an si lai,” tiah Kehdah state lahwahkah bawi Zuhair Jamaludin nih a chim.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.