12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Malaysia Kawlrammi telh in ramdangmi 10 ‘Covid-19 letkhana’ an ngeih caah anmah dang tein an umter hna

    Ṭial Tharmi

    - Advertisement -

    Selayang Wholesale Market ah rian a ṭuanmi Kawlrammi (Rohingya) telh in ramdangmi 10 cu Covid-19 zawtnak letkhana/symtoms an ngeih caah cozah nih ‘nanmah dang tein um uh, mi lakah um hlah uh’ ati hna.

    February 28 in March 2 tiang tuahmi Seri Petaling Muslim Biakinn puai ah Kawlrammi (Rohingya) pa 2,000 hrawng an rak i pum ve. Mah puai ah aa pummi tampi cu Covid-19 zawtnak an ngeih hna caah Rohingya pawl [Read in English] zong cu rak i piah uh tiin cozah nih thawng a thanh lengmang hna.

    An i piah bal lo caah tuni March 25 ah an umnak Selayang sang ah Sipin (DBKL) le Ngandamnak Vuanci Zung rianṭuan pawl nih an va kal hnawh hna i Covid-19 zawtnak an ngeih/lo suimilaam 2 chung an test hna.

    Malaysia ah Rohingya 100,000 hrawng an um i tam deuh cu Selayang ah an um. Restaurant le eidin dawr pawl zong an on len.

    “Tu zingka 6am ah kan va kal i market ah rian a ṭuanmi pawl cu an dawr an khar cuahmah lio asi. A kan tlaih lai tiin an ruah i cheukhat cu an zaam len, nain Covid-19 zawtnak an ngeih/lo lawng kan test hna,” tiah DBKL bawi Ahmad nih a chim.

    “Dawr 5 cu license loin an tuah caah an thil kan tlaihpiak hna.

    “Ramdangmi 400 kan test hna i 10 cu Covid-19 letkhana an ngei. An taklin i an khuh. Covid-19 zawtnak virus an ngeih/lo ṭha tein check dingin an zawtnak sample kan lak.

    “Kan check mi hna tam deuh cu Myanmar (Rohingya), Bangladesh le Indonesia pawl an si.

    “Kuala Lumpur chung sang kip i wholesale markets pawl ah Ngandamnak Vuanci Zung (MOH) le DBKL nih mipi ngandamnak kan test lengmang hna lai.

    “Wholesale markets ah rian a ṭuan ramdangmi pawl cawlcangh ning zohnak caah drone kan hman lai,” tiah a chim.

    Charhchan: The Star

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.