26.5 C
Hakha
Monday, June 1, 2020

Malaysia Kawlrammi sinah facang le chiti bawmhnak an pek

- Advertisement -

Malaysia ram um Myanmar mi bawmtu bu (Kepong Free Funeral Services) nih Malaysia ram ah a ummi Kawlrammi pawl sinah facang le dinei awk thil an hlut.

Malaysia cu Southeast Asia ram ah coronavirus zawtnak ngei tambik le a thimi tambik cazin ah pahnihnak a si.

Malaysia cozah nih lengchuah a phih caah dinei awk le sii lei ah a harsa mi Kawlrammi hna caah Myanmar mi bawmtu bu nih March 27 thok in Myanmar tanzung hnatlakpinak ca he motor 1 ah minung 2 in an i zul i bawmhnak an pe.

“Kuala Lumpur khua chung a cheu ah kan hlut cang. Malaysia phan Kawlrammi harnak a tongmi paoh kan bawmh ko hna lai,” tiah Kepong Free Funeral Services chairman U San Win nih a chim.

Malaysia um Kawlrammi bawmhnak caah Kepong Free Funeral Services nih RM10,000 aa thawh i midang dang zong nih facang, dinei awk le tangka an hlut cio hna.

Tuni ah Malaysia ah coronavirus zawtnak ngeimi minung 159 an hmuh chap hna i ram pumpi ah a zawmi 2,320 an si. Minung 27 an thi cang.

“Ngakchia le fa pawi pawl an um deuhnak hmun ah bawmhnak cu kan pek. Facang, chiti, coffee, khohsio, ti hi tambik kan hlutmi a si,” tiah U San Win nih a chimchap. -Mizzima Burmese

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...