/

Malaysia cozah nih UNHCR ralzaam caah khuate sak a ttha hnga maw ti a ruah lio si

Kuala Lumpur — Malaysia ram chungah aa tthek dihmi UNHCR ralzaam vialte hi hmun khat te ah umter hna dingin khuate pakhat sa usih law a ttha hnga maw, timi khua kan ruah lio asi, tiah Malaysia Housing and Local Government Vuanci nu nih a chim.

Vuanci Kamaruddin nih, “ralzaam umnak khua kan sak ahcun kan ram chungum ralzaam pawl, ahlei in Rohingya pawl zoh an fawi deuh lai pinah cozah nih zawtfah thlopnak le sianginn kainak kan bawmh khawh hna lai,” tiah Bernama media sinah a chim.

“Ralzaam pawl umnak caah hmun pakhat kan ser i sianginn hna kan sakpiak chih hna ahcun, Malaysia rammi nunning le nunphung kan chimh khawh hna lai i kan rammi lakah an i cawh kho lai.

“Ralzaam hi kan bawmh khawh ko hna lai.

“Chawlehnak cheukhat rianttuan tu an i zat lo ruangah ramdang rianttuan kan lak pengmi hna ai ah, ralzaam pawl ttuanter khawh an si.

“Ralzaam pawl hi kan hman hna ahcun kan ram chungah ramdang rianttuan a tomtom in an luh pengmi zong kan zorter khawh lai.

“Sinain, mah kong hi vuanci zung dihlak he kan i ceih rih lo, anmah he i ceih hmasa a hau rih,” tiah vuanci nu nih a chim. — Bernama

- Advertisement -
Ṭial Lian Thang
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.

Ṭial Tharmi