20.1 C
Hakha
Wednesday, June 16, 2021

Malaysia: Covid-19 nih minung 57 a thah cang hna

Tuni ah Covid-19 zawtnak ngei thar minung 150 kan hmuh hna, zawtnak ngei hmuhmi dihlak minung 3,483 an si cang, tiah Malaysia Ngandamnak Vuanci Zung nih a thanh.

Zawtnak ngei 3,483 chungah tuni a thimi 4 telh in 57 an thi cang.

Minung 915 an dam cang. Mah chungah 88 cu tuni ah a dammi an si. A dammi pawl cu inn an ṭinter cang hna.

Mizaw 99 cu a zual tukmi zohkhenhnak khaan (ICU) ah an chiah hna, 50 cu an thaw an chuah khawh huaha ti lo caah an kaa ah cuap thli luhchuahternak seh an bunh hna.

Mizaw thar hmuhmi 150 chungah 80 cu Sri Petaling um muslim biakinn Masjid Jamek ah aa rak pummi an si.

Malaysia ram i mizaw a cheu fai cu mah muslim biakinn ahhin aa rak pummi le anmah he aa naihniammi pawl an si hna.

Zawtnak karh hlah seh tiin Malaysia cozah nih March 18 in April 14 tiang lengchuah a phih. Rawl le sii cawk, le sibawi sin i piah ruah lawngah lengchuah khawh asi.

Lengchuah ruangah Chinmi 10 an tlaih cang hna. Kawlrammi telh in minung 4,00 leng an tlaih cang hna.

Charhchan: The Star

Malaysia COVID-19

Malaysia
667,876
Mizaw Hmuhmi
Updated on June 16, 2021 1:45 pm
Malaysia
593,695
A Dammi
Updated on June 16, 2021 1:45 pm
Malaysia
4,069
A Thimi
Updated on June 16, 2021 1:45 pm
Malaysia
70,112
Zaw Liomi
Updated on June 16, 2021 1:45 pm

Ṭial Tharmi