15.8 C
Hakha
Wednesday, August 12, 2020

Malaysia: Covid-19 nih minung 23 a thah cang hna, 2,000 leng zaw

- Advertisement -

Nizaan thawngthanh hnu in tu chun tiangah Covid-19 zawtnak nih Malaysia ah minung 3 a thah chap hna caah dihlak 23 an thi cang, tiah Ngandamnak Vuanci Zung director-general Datuk Seri Dr Noor Hisham Abdullah (hmanthlak) nih thawng a thanh.

“Mizaw thar 235 kan hmuh chap hna caah a zawmi dihlak 2,031 an si cang.

“Minung 16 cu Covid-19 zawtnak in an dam i inn kan ṭinter hna. A dammi dihlak 215 an si cang.

“Mizaw 45 cu a zual tukmi zohkhenhnak khaan (ICU) ah kan chiah hna i 32 cu an thaw an chuah khawh huaha ti lo caah seh kan hmanpiak hna.

“Mizaw thar 235 chungah 60 cu muslim biakinn ah aa rak pummi pawl he aa pehtlaimi an si.

“Kan ram chung mizaw tam deuh cu Sri Petaling um muslim biakinn Masjid Jamek ah aa rak pummi le anmah he aa pehtlaimi pawl an si.

“21nk a thimi cu kum 63 Malaysia pa asi i muslim biakinn ah aa rak pum vemi asi. March 23 ahkhan sizung ah kan thlop i tuni ah a nunnak liam.

“22nk a thimi cu kum 48 Malaysia pa asi i muslim biakinn ah aa rak pum vemi asi.

“23nak a thimi cu kum 62 Malaysia pa asi i caan saupi chung kengfah zawtnak zong a ngei cangmi asi.

“Atutiang ahcun Covid-19 zawtnak ngeih/lo a checktu le mizaw a zohkhenhtu sibaw le nurse ahohmanh zawtnak an i ku rih lo.

“Ngandamnak Vuanci Zung rianṭuan 80 an zaw ve nain mipi an checknak le a zawmi zohkhenhnak in an i kumi si loin lenglei in an i kumi si.

“Ngandamnak Vuanci Zung rianṭuan 1,895 cu kan test hna i hohmanh zawtnak an ngei lo, 708 cu result an hngah lio asi,” tiah a chim.

Charhchan: The Star

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...