20.9 C
Hakha
Tuesday, June 15, 2021

Malaysia: Covid-19 in a thimi 61, zawtnak ngei hmuhchapmi minung 179

April 5 chun ah Malaysia Ngandamnak Zung director-general Datuk Dr Noor Hisham Abdullah nih Covid-19 kong thawngthanhnak a tuah i mizaw thar 179 an hmuh chap hna.

Ram pumpi ah zawtnak ngeimi minung 3,662 an si cang. Cu chungah minung 1,005 cu an dam i sizung in an ttin cang. Atu lio sizung ummi cu minung 2,596 an si. 

Tuni ah kum 53 in kum 72 kar minung 4 an thi chap, a thimi dihlak 61 an si cang.

“Atu lio thil sining kan zoh tikah nifatin Covid-19 mizaw thar 100 in 200 an um peng. Mi ramdang bantuk in nikhat ah mizaw thar 2,500 cu an um lo nain hei um sual sehlaw kan tei kho lai lo.

“Zawtnak zeitluk dah a karh lai ti cu kanmah nih kan tuak ning te um ve ko nain atu in chimcia cu a tuan tuk rih.

“Covid-19 zawtnak zeitluk in dah a karh i khuazei hmun pawl ah dah a karh ti hngalhnak ca ah le April 14 hnu ah lengchuah phihmi hi sauh hau lai maw ti biakhiahnak caah Lengchuah phih (MCO) chung thil sining kan khomh lio a si,” tiah Dr Noor Hisham Abdullah nih a chim.

Atu hi mizaw zual zohkhenhnak ah a ummi minung 99 an si i, cu chungah 48 cu ventilator an bunh hna. – NST

Malaysia COVID-19

Malaysia
662,457
Mizaw Hmuhmi
Updated on June 15, 2021 3:41 pm
Malaysia
586,864
A Dammi
Updated on June 15, 2021 3:41 pm
Malaysia
3,968
A Thimi
Updated on June 15, 2021 3:41 pm
Malaysia
71,625
Zaw Liomi
Updated on June 15, 2021 3:41 pm

Ṭial Tharmi