22.3 C
Hakha
Wednesday, February 19, 2020
More

    Malaysia: Chin Miphun Ni cu Lai Lungrawn in Dr Sa Sa, Singers Mercy Haling Awi le Dika nih a kan hmanpi lai

    Follow Us

    99,952FansLike
    440SubscribersSubscribe

    Ṭial Tharmi

    - Advertisement -

    Malaysia phan Chinmi hna nih Kan Miphun Ni February 20 cu kum fatin sunglawi taktakin kan tuah peng bang, tu kum 72nak Chin Miphun Ni zong kan tuah tawnnak Chinese Assembly Hall ah hlunghlai emem in kan tuah ṭhan lai.

    Lai Lungrawn album in vanraangtang Chinmi vialte thinlung a latu awṭha Mercy Haling Awi le Dika nih zai hla in nuam taktakin a kan hmanpi lai. February 18 ah Malaysia an phan lai.

    Thil ṭha a tuahmi le miphun a dawt ruangah Chin vawlei a hnin dihtu Dr Sa Sa zong sawm asi. Kan Miphun Ni ah biachimnak a ngei lai. Dr Sa Sa cu February 19 zingka zongah 10am in 12pm tiang Senthang Biakinn ah Malaysia Chin mipi he tonbiaruahnak a ngei lai. Ahopaoh kal khawh cio asi.

    Chin Miphun Ni cu zinglei ah Chin Miphun Ni lawmhnak in Chin laam phunkip laamnak, Dr Sa Sa biachimnak le ram hla ṭhaṭha saknak in caan hman asi lai.

    Zaanlei cu Chin lengdawh (miss) zuamnak, a khuahkhuah in Chin nunphung laamnak le hla saknak in nuam taktak in caan hman asi lai.

    Cucaah, Malaysia phan Chinmi dihlak ra chuak cio dingin kan in sawm hna.

    • Ani: February 20, 2020
    • Acaan: 9:30am in 5pm tiang
    • Ahmun: Chinese Assembly Hall

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.