19.5 C
Hakha
Monday, November 29, 2021

Malaysia Chin khrihfabu vialte biakinn khar dingin kan in nawl hna – ICC

Malaysia Chin khrihfabu le pengtlang vialte cu an biakinn khar dih dingin UNHCR le Independent Chin Communities (ICC) nih an fial hna.

Dawtmi le upatmi Malaysia Chin khrihfabu le pengtlang vialte hna, kan theih cio bangin Malaysia cozah nih coronavirus zawtnak ruangah March 18 in 31 tiang mipi i pumh a khap.

UNHCR nih a kan fial caah, nan biakinn le nan pengtlang pumhnak vialte March 31 tiang khar dingin Independent Chin Communities (ICC) nih kan in nawl hna.

Cozah nih mipi i pumh a khap chung (March 18-31) ah nan i pumhmi an hmuh hna ahcun fak piin a theipar an zunter khawh hna pinah hmailei i nan biakinn hmannak zong a hnorsuan khawh.

Khar dingin ICC nih kan in nawlmi hna hi Malaysia um Chin ralzaam hna himnak caah tuahmi asi bang khrihfabu le fellowship kip nih nan zulh ko lai ti kan i ruahchan.

Thawngpang thar um ai kun, ICC nih rianrang tein thanh khawh kan in zuam hna lai.

Upatnak he,

Independent Chin Communities (ICC)

  • CRC (Chin Refugee Committee)
  • ACR (Alliance of Chin Refugee)
  • FRO (Falam Refugee Organization)
  • ZAM (Zomi Association of Malaysia)
  • Dai Community Malaysia

Atang hi ICC nih Kawlca in cathanh a chuahmi si.

Na Rel Cang Maw?

Malaysia
2,623,816
Mizaw Hmuhmi
Updated on November 29, 2021 2:30 pm
Malaysia
2,527,052
A Dammi
Updated on November 29, 2021 2:30 pm
Malaysia
30,309
A Thimi
Updated on November 29, 2021 2:30 pm
Malaysia
66,455
Zaw Liomi
Updated on November 29, 2021 2:30 pm

Ṭial Tharmi