13.2 C
Hakha
Thursday, October 28, 2021

Malaysia Chin khrihfabu cheukhat an i pum rih – UNHCR

“Tunai ah UNHCR nih phone a kan chawnh i tuni Zarhpini ah Chin khrihfabu cheukhat an i pum tiin report kan don, a kan ti,” tiah CRC le ACR nih an thanh.

“Coronavirus zawtnak karh khamnak caah cozah nih minung a bu um le lengchuah a phih chung [March 31 tiang] ah nawl ngai loin nan i pumh ruangah cozah nih dan an tat hna ahcun UNHCR nih kan in bawm kho hna lai lo, an ti,” tiah ACR nih a thanh.

“Cucaah atu lio cu pumhnak le mibu in umnak tuah lo dingin UNHCR le ACR nih kan in nawl hna,” ati.

“Tu thla dih tiang cozah nih nawl a chuah ban tuk tein zulh khawh rak kan zuam piak uh, tuah ti hna hlah seh tiah an kan ti. Asi khawh cun minung pa 2-3 hmanh i zulh in chawh ti lo ah a tha. Lam nan chuah ahcun Mask tha tein i huh ding asi lai tiah an ti chap.

“Tu lio cu nan theih cia bantukin zawtnak rai a tlun lio asi caah cozah nih nawl a chuah i mi zapi, biaknak zapi nih an zulh ning tein zulh khawh kan i zuam hna nak lai kan in sawm hna.

“Mahle inn chung ah pumhnak nan tuah ko zong ah mi bu in nan umnak pumh lio, i len kai lio le a dangdang bu pi in kan umnak ti ban tuk hmanthlak zong kha tar lo ah a tha deuh, hihi cu mah pumpaak ruahnak in ruahnak cheuh bia asi,” tiah CRC nih a thanh.

Malaysia
2,448,372
Mizaw Hmuhmi
Updated on October 28, 2021 1:47 am
Malaysia
2,347,985
A Dammi
Updated on October 28, 2021 1:47 am
Malaysia
28,674
A Thimi
Updated on October 28, 2021 1:47 am
Malaysia
71,713
Zaw Liomi
Updated on October 28, 2021 1:47 am

Ṭial Tharmi