12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Malaysia ah ritsii zuartu Myanmar 5 le an ritsii RM366 million man an tlaih

    Ṭial Tharmi

    - Advertisement -

    KUALA LUMPUR: Palek nih ritsii zuartu pa 8 an tlaih hna i an ritsii RM366 million man zong an tlaihpiak hna. January 16 ah an tlaih hna, tiah Malaysia media pawl nih tuni ah an thanh.

    Tlaihmi 8 hna cu; Myanmar 5, Malaysia 2 le China 1 an si.

    Inspector-General of Police Tan Sri Abdul Hamid Bador nih, “pa 8 cu January 30 tiang biahal hnu ah tazacuai an si te lai,” tiah a chim.

    “Misual hna i an boss pa cu Penang state ah a ummi si, ni kum i tlaihkhihnak kan tuah lio ah ramdang ah a zaam cang.

    “A zaamnak ram palek he i bawm in tlaih dingin kan kawl cuahmah lio asi.

    “Ramdang palek he kan i pehtlaihnak a ṭha ngai ko i kan tlaih khawh ko lai tiah ka zumh.

    “An boss pa hi caan saupi ritsii a zuar cangmi asi tiah kan zumh. Mah ruangah ni kum i a tangka kan tlaihmi kha kan ram chung ritsii tangka tlaih balmi vialte lakah a tam biknak asi.

    “An boss pa a umnak cu atu hi thla 1 chung hrawng kan hlat cang,” ati.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.