Malaysia ah Myanmar pa nih Myanmar pa a thah

Malaysia ah Myanmar pa nih Myanmar pa a thah

Malaysia ram ah a ummi Myanmar pa nih September 2 ahkhan Myanmar pa a thah ruangah September 20 ahkhan Batu Gajah peng biaceih zung ah an chuahpi.

Soe Win (kum 32) nih biaceih bawi Nazratul Natrah Mohd Yusof hmai ah aa phuang duh lo.

September 2, 2019 ahkhan Soe Win nih inn khat um tti Phyoe Phyoe (kum 22) cu Batu Gajah i Laluan Sri Pengkalan um inn ah a thah.

Soe Win cu Lainawng Upadi Dal 302 in taza an cuai. A sual ko ti ahcun thihdan pek khawh a si. Soe Win cu sihni Nor Fairoz Abd Mutalib nih taza a cuai.

Soe Win cu Malay holh le Mirang holh a thiam lo caah November 14 ahkhin holhlet hmangin biaceih tthan dingin biaceih zung nih nawl a pek.

Phyoe Phyoe cu September 2 ah a kehlei ttang ah namsawhnak hma he inn chung ah a ruak in an hmuh. Cucaah, amah he umtti khat a simi Soe Win cu lunghrinh in palek nih an tlaih.

Phyoe Phyoe cu furniture zuarnak dawr ah rian a ttuanmi a si i Soe Win he mi hmai ah bia an i al.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.