29.1 C
Hakha
Tuesday, March 31, 2020
More

    Malaysia ah Kawlrammi 6 telh in ramdangmi 152 an tlaih hna

    Ṭial Tharmi

    - Advertisement -

    Zahan ah Malaysia lahwahkah nih Myanmar rammi 6 telh in phungninglo ramdangmi 152 an tlaih hna.

    Gurun khua (Kedah state) ah tlaihkhihnak an tuah lio ah, ramdangmi pawl cu tlaih le thongthlak an ttih tuk i centhlok thu lakah an zaam i an i thup len nain an luat lo.

    Kedah le Perlis state Lahwahkah rianttuan 41 nih zahan chun ahkhan sehzung pawl ah tlaihkhihnak cu an tuah.

    Kedah Lahwahkah bawi Jamaludin nih, “sehzung pawl ah ramdangmi 560 kan check hna hnu ah phungninglo in a ummi 152 kan tlaih hna,” tiah a chim.

    Tlaihmi 152 cu;

    • Myanmar rammi pa 6
    • China rammi 68 (nu 14 an i tel)
    • Taiwan rammi pa 3
    • Bangladesh pa 18
    • India pa 28
    • Pakistan pa 28
    • Nepal pa 5 le
    • Egypt pa 1 an si.

    Kum 20 in 67 kar an si hna.

    “Visa a thih hnu tiang ummi, work permit loin rian ttuanmi, tbk., pawl an si.

    “An dihlak in Alor Setar lockup ah kan chiah hna. An konglam tling deuh in kan hlat hmasa hnu ah Lahwahkah Thong ah kuat an si te lai,” tiah Kedah Lahwahkah bawi nih tuni ah a chim. — Harian Metro

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.